Debatet mes Xhevahir Hoxhës dhe bashkëjetueses së djalit të tij, shtetases Merushe Hazizi, kishin kohë që kishin lindur, deri sa sot, 61-vjeçari ka kryer krimin e rëndë, duke e vrarë me thikë 30-vjeçaren e më pas vetëvarur në pemë.
Sipas korespondentes së Panorama, autori ka pasur grindje të vazhdueshme me 30-vjeçaren të cilën nuk e pranonte si nusen e ardhshme të djalit të tij.
Vjehrri i kishte kërkuar sot që ajo te largohej vetë nga shtepia, por e reja nuk ka pranuar.
Debati mesa duket ka agravuar deri në krimin e rëndë.
Kjo e fundit mësohet se ka qenë e martuar më herët dhe ishte divorcuar.
Ngjarja e rëndë tronditi fshatin Vidhishtë të Roskovecit në Fier këtë të martë.