68-vjeçari nga fshati Lepushë i zonës së Kelmendit prej dy ditësh, teksa vuante nga dhimbjet akute në bark, ishte bllokuar në banesën e tij pa patur mundësi për t’iu drejtuar spitalit rajonal të Shkodrës për t’u kuruar.
Një 68-vjecar i sëmurë nga fshati Lepushë i zonës së Kelmendit, i cili ishte izoluar për shkak të dëborës, është transportuar këtë të mërkurë në spitalin rajonal të Shkodrës nga ekipi mjekësor i Qendrës Kombëtare i Urgjencave Mjekësore dhe atij pilot nga NJTMH.
68-vjecari me inicialet D.P kishte dy ditë me dhimbje akute në bark, të paraqitur në formën e sulmeve të gulçeve të zgjatura. Ishte pikërisht rreziku i përkeqësimit të gjendjes së tij shëndetësore që solli mobilizimin e ekipit mjekësor të QKUM-së dhe NJTMH-së. Momentalisht, i sëmuri mësohet se është duke marrë trajtimin e nevojshëm mjekësor.
Ndihma mjekësore në zonat malore dhe të bllokuara nga dëbora sikurse kuptohet vazhdon, pasi akset nga ngricat paraqiten të vështira për t’u përshkuar nga banorët.
