Një lokal është hedhur në erë me tritol në orën 02:20 të mëngjesit të sotëm dhe më pas është djegur dhe një furgon i parkuar para tij. Të dy objektet në pronësi të efektivit të policisë së Komisariatit Shkodër, Ndrek Rrasa.
Ky i fundit mësohet se ka deklaruar për grupin hetimor se nuk ka konflikte dhe nuk e di se kush mund të jetë autori i vendosjes së lëndës shpërthyese në lokalin e tij.
“Nuk kam konflikte me persona të tjerë dhe nuk e kam idenë se kush mund ta ketë vene tritolin apo se kush e ka djegur autobusin”, mësohet të ketë thënë efektivit 46-vjeçar.
‘Dyshoj se mund të jetë konflikt për shkak të detyrës’- ka deklaruar polici.
