Një punonjëse e policisë së Rinasit u ndalua pasi ka hequr nga sistemi një automjet të shpallur alert. Sulltane Kuka, 29 vjeçe, me detyrë trup shërbimi në Komisariatin e Rinas akuzohet për veprat penale korrupsion, shpërdorim detyre dhe ndërhyrje në të dhënat kompiuterike.
Leonard Karruka është personi që ndihmoi efektivja e Rinasit Sulltane Kuka 29 vjeç, e cila u përjashtua nga rradhët e policisë pas ndalimit se kishte shfrytëzuar pozitën e saj për përfitime personale. Karruku rezulton pronar i kompanisë “Rinas CAR RENTAL” që jep makina me qira. “Dhenie makina me qera. Import – eksport, tregti me pakice te automjeteve te përdorura”, është kjo veprimtaria e kompanisë së tij. Kuka i kishte hequr nga sistemi në mënyrë të kundërligjshme një automjet të shpallur “Alert”.
Rasti është zbuluar nga grupi i inspektimit të policisë rrugore në Lezhë ku është konstatuar se automjeti i shpallur “Alert”, në pronësi të kompanisë së makinave me qira të shtetasit Leonard Karruka ishte hequr nga sistemi në mënyrë të kundërligjshme.
Grupi i punës zbuloi se automjeti i kompanisë që operon në Rinas, është hequr nga efektivja Sulltane Kuka e cila dyshohet se e ka kryer këtë veprim kundrejt përfitimeve monetare. Makinat e shpallura alert, i përkasin asaj kategorie që janë konstatuar me shkelje nga shërbimet e policisë ose makinat inteligjente.
Report Tv mëson se Leonard Karruka i cili u ndihmua nga policja ka një kompani me makina me qira. “Rinas CAR RENTAL” , merret me “dhënie makina me qera. Import – eksport, tregti me pakice te automjeteve te përdorura”.
