Një çift të moshuarish kanë rënë pre e grabitjes, teksa autorët janë treguar të pamëshirshëm ndaj tyre. Ngjarja ka ndodhur në fshatin Vuno të Himarës mesnatën e kaluar dhe bëhet fjalë për çiftin Kolo dhe Theme Proto, të moshës 75 dhe 78 vjeç.
Siç raporton gazetari i Report Tv, Armand Xhelili, autorët kanë grabitur një sasi parash, e cila nuk bëhet ende e ditur, por ajo që është më mizorja në këtë histori është se pas kundërshtimit që kanë bërë të moshuarit, grabitësit i kanë dhunuar, madje edhe duke i përplasur përtokë.
Policia ka nisur hetimet për të zbardhur të plotë ngjarjen dhe për të gjetur autorët.
