Një 46-vjeçar, i shpallur në kërkim ndërkombëtar, ka rënë në prangat e policisë ditën e sotme në Elbasan.
Me një njoftim për mediat, Policia në me dije se është arrestuar, me qëllim ekstradimi drejt Italisë, 46-vjeçari Eduart (Artan) Haxhi.
Haxhi rezulton i dënuar me 10 vite e katër muaj burg në Itali, pasi u shpall fajtor në vitin 2008 për veprat penale “Shfrytëzim prostitucioni” dhe “Shtyrje për prostitucion në rrethana rënduese”, parashikuar nga Kodi Penal italian.
Veprimet e mëtejshme për këtë shtetas do të kryhen nga zyra e Interpolit Tiranë.
Njoftimi:
Elbasan
Vijon puna për kapjen e personave të shpallur në kërkim ndërkombëtar.
Arrestohet me qëllim ekstradimi drejt Italisë, një shtetas shqiptar i dënuar nga autoritetet italiane.
Specialistët për Hetimin e Narkotikëve dhe Trafiqeve të Paligjshme, në bashkëpunim me Forcën e Posaçme “Operacionale” në Drejtorinë Vendore e Policisë Elbasan dhe Interpol Tirana, pas një pune të mirorganizuar, lokalizuan, kapën dhe arrestuan përkohësisht, me qëllim ekstradimi drejt Italisë, shtetasin shqiptar të shpallur në kërkim ndërkombëtar:
Eduart (Artan) Haxhi, 46 vjeç, banues në Elbasan.
Kapja dhe ndalimi i tij u bë pasi Gjykata e Apelit Torino, Itali, në datën 04.03.2008, e ka dënuar me 10 vjet e 4 muaj burgim, për veprat penale “Shfrytëzim prostitucioni” dhe “Shtyrje për prostitucion në rrethana rënduese”, parashikuar nga Kodi Penal italian.
Veprimet e mëtejshme për këtë shtetas do të kryhen nga zyra e Interpolit Tiranë.
