Në Komisariatin Dixhital ka ardhur një denoncim se në rrugën e “Arbërit”, lagjja nr. 1 Bathore, në ambjentet e një lokali një person kishte armë zjarri në brez.
Një 45-vjeçar është arrestuar në Bathore të Kamzës, pasi lëvizte me armë zjarri. Denoncimi për të arrestuarin ka ardhur nga disa qytetarë të zonës të cilët kanë informuar policinë se 45-vjeçari M.N lindur në Shkodër mbante armë zjarri me vete teksa kishte hyrë në ambientet e një lokali në Bathore në rrugën ‘Arbëri’.
Gjatë kontrollit 45-vjeçarit i janë një armë tip pistoletë dhe 17 fishekë. Tani i arrestuari do të përballet me akuzat e prodhimit dhe mbajtjes pa leje të armëve luftarake.
