Gazetarja e njohur nga Kosova, Arbana Xharra, thotë se Gent Cakaj është një figurë e krahasueshme me politikanë të niveleve të larta të vendeve më të zhvilluara.
Sipas saj, për Shqipërinë është një privilegj të ketë një ministër të tillë.
“Gent Cakajn nuk e kam taku asnjehere, por e kam percjelle punen e tij, pergatitja e tij profesionale, modeli qe ai perfaqeson eshte absolutisht jo vetem i krahasueshem por ne ne nivel me politikanet e vendeve me te zhvillume.
Eshte privilegj per Shqiperine me e perfaqesu Genti, e humbje per Kosoven qe nuk e kemi.
Kosova fatkeqesisht nuk po mrrin me u shliru prej minsitrave te odave me cigare mas veshi e nje luge te plastikes ose rrmojs ne goje”, shkruan ajo.
Gent Cakaj ka mbajtur detyrën e zëvëndësministrit të Jashtëm, duke qenë edhe kryenegociatori i Shqipërisë për çeljen e negociatave me Bashkimin Europian.
Më herët ai ka qenë këshilltar i kryeministrit Edi Rama.
Po ashtu, ai ka pasur angazhim në shoqërinë civile si konsulent.
Eshtë arsimuar në Kosovë, Belgjikë dhe Hungari dhe mban dy diploma dhe 3 master në filozofi, shkenca politike dhe juridik.
