Pas humbjes e djeshme të Rusisë ndaj Kroacisë dhe kualifikimit të kësaj të fundit për të vijuar më tej betejen për botërorin, ka një meme që po qarkullon masivisht në rrjet. Kryetari i Kuvendit Gramoz Ruçi ‘’ndihet keq për humbjen e Bashkimit Sovjetik”.
Këtë foto të publikuar nga Genc Sejko, e ka shpërndarë dhe deputeti Nard Ndoka, i cili shkruan dhe disa fjalë ironizuese.
‘’Mbaje veten shoku Gramoz”, shkruan Ndoka në postimin e tij. Kujtojmë se ndeshja e djeshme u vendos nga pika e bardhë e 11-metërshave, ku lojtarët kroatë u treguan më të saktë, duke i dhënë fund aventurës ruse në këtë Botëror.
Kroacia do të përballet në gjysmëfinale me Anglinë, duke e shndërruar tërësisht europiane betejën për më të mirën e botës, duke ditur se përballja tjetër është ajo mes Francës dhe Belgjikës.
