Ish-kryeministri Sali Berisha ka reaguar për ngjarjen e rëndë të shënuar mëngjesin e sotëm në Durrës, ku një 18-vjeçar hyri në det për të shpëtuar vëllain dhe mikun e tij, por fatkeqëisht humbi jetën.
Berisha e konsideron 18-vjeçarin Anri Kashiku një hero të vërtetë i cili sakrifikoi jetën e tij për të shpëtuar dy jetë të tjera.
Ish-kryeministri i shpreh ngushëllime familjes së 18-vjeçarit për humbjen e pakompensueshme.
Postimi i Sali Berishës:
Një hero i vërtetë! Miq, i riu 18-vjeçar, Anri Kashiku, si një hero i vërtetë, shpëtoi sot dy jetë, por vetë mbeti në ujrat e Adriatikut, për t’u bërë i pavdekshëm me veprën e tij.
Duke ndarë dhimbjen dhe zinë me familjen Kashiku për këtë humbje të pakompensueshme, i lutemi Zotit që shpirti i bardhë i Anrit shpëtimtar të gjejë paqen e merituar. Amin!
