Një aksident me pasojë plagosjen rëndë të një personi ka ndodhur këtë të dielë në Korçë.
Ngjarja e rëndë është shënuar në rrugën Korçë-Maliq, pranë fshatit Bulgarec, ku 28-vjeçari me iniciale E.L, banues në këtë fshat, duke drejtuar mjetin tip “Volkswagen” me targë AA022IX, ka humbur kontrollin e mjetit dhe ka goditur një mjet tjetër tip “Audi”, i cili ndodhej i parkuar në anë të rrugës.
Për pasojë drejtuesi i mjetit, ka marrë dëmtime fizike dhe është dërguar në Spitalin e Korçës, ku aktualisht ndodhet në gjendje të rëndë shëndetësore.
Grupi hetimor po punon për përcaktimin e shkaqeve të aksidentit.
