Duke filluar nga Alpet për të shkuar më pas në Slloveni, ka gjithnjë e më shumë hotele të ndërtuar nga akulli.
Një fenomen në rritje, pavarsisht ngrohjes globale, që magjeps një numër të madh turistësh të etur për të jetuar një eksperiencë të paharruar, në mes të heshtjes së akullit e pamjeve befasuese.
Gjithsesi, për të gjithë ju që po pyesni tani: po në hotelet prej akulli është shumë ftohtë.
Temperatura e dhomave është mjaft e ultë, e kjo pasi aty çdo gjë është e bërë nga akulli edhe shtrati.
Megjithëse ka një shtresë që ndihmon të mos ketë kontakt të drejtpërdrejtë me trupin.
Përtej kësaj, hotelet janë të pajisur me gjithçka për ti bërë mysafirët e tyre të kalojnë eksperienca të paharrueshme, por mbi të gjitha edhe të rehatshme.
