Presidenti i Turqisë Erdogan ka pranuar që të kryejë një vizitë diplomatike në shtetin grek. Që prej Luftës së Dytë Botërore vizita e fundit e një diplomati turk në shtetin grek ka qenë para 65 vitesh.
Lidhur me këtë mësohet se Presidenti turk ka deklaruar se: “Kufinjtë e vendosur mes Turqisë dhe Greqisë në vitin 1923 nuk duhet që të shikohen tashmë si një detyrim ndaj dy shteteve”.
Por gjithashtu pas kësaj deklarate ka reaguar Presidenti grek Prokopis Pavlopoulos i cili nga ana tjetër i është përgjigjur Erdoganit se në asnjë moment nuk do të heqë imunitetin që ka Traktati i Lozanës.
Kjo sipas Pavlopoulos mendohet të jetë një gjë e mirë midis dy vendeve sepse Traktati i Lozanës ka për detyrë të mbrojë integritetin e të dy shteteve, si edhe të mbaje balancën në çdo moment rreziku, duke hapur rrugë për kompromis.
Përtej të gjithave kjo vizitë e rradhës e Presidentit Erdogan renditet si një prej vizitave historike, edhe pse po bëhen bisedime të shpeshta për vendosjen e një date ekzakte. Ndërkohë që edhe Aleksis Tsipras, Kryeministri i Greqisë është shprehur shumë optimist për marrëdhëniet e të dyja vendeve.
Takimi i fundit mes Erdogan dhe Tsipras në Athinë
Pritet që temat kryesore në takimin e Erdogan me diplomat dhe krerët kryesorë të shtetit grek të jenë: “Ardhja e popullësisë muslimane në territoret greke”, “Ndihma ushtarake midis dy vendeve” dhe disa marrëveshje që hapin rrugë ndaj zhvillimit ekonomik të dy vendeve./ Përgatiti: AlpeNews.al