Episodi me i ri i emisionit “Fol me psikologen” në “Gazeta shqiptare” ka trajtuar disa histori me problematika të ndryshme. Një vajzë 39-vjeçare gjendet në situatën më të vështirë të jetës së saj, ka mbetur shtatzënë dhe ndodhet në dilemë nëse mund ta mbajë apo jo fëmijën. Partneri e ka braktisur dhe nuk pranon të luajë rolin e babait.
Anxhela 16-vjeçare kërkon ndihmë pasi në fëmijëri babai ka vrarë nënën dhe ajo nuk arrin dot ta falë atë. Pasojat e traumës së rëndë të përjetuar vite më parë vazhdojnë ta shoqërojnë ende. Një tjetër histori e trajtuar këtë herë ka qenë ajo e Andit, babai i një fëmije autik, e shoqja ka rënë në depresion dhe ai nuk di si të veprojë dhe t’i ndihmojë të dy njerëzit e tij të shtrenjtë.
Historitë e ardhura në program përmes mesazheve të dërguara në faqen zyrtare të emisionit në facebook janë trajtuar gjerësisht nga psikologia Ervisa Lula e cila njëkohësisht është dhe autore e këtij programi, por edhe nga e ftuara e ditës, psikologia Valentina Telhaj. Të dyja kanë orientuar dhe ju kanë dhënë këshilla të drejtpërdrejta këtyre personave të cilët kanë nevojë për ndihmë.
