Familja Cakoni nga Thumana është një ndër ato që u goditën më rëndë nga tërmeti.
Asaj i kanë humbur dy pjesëtarë: kryefamiljari Kastriot Cakoni dhe vajza 15 vjecare, Drita.
Ndërkohë nëna e saj, Manjola dhe djali janë në spital.
Por Manjola ende nuk e di se cfratë tragjedie ka pllakosur mbi familjen e saj.
Mjekët thonë se është ende shpejt për t’i dhënë një lajm kaq trondites, ndërkohë që është duke u rikuperuar.
Gruaja ka dy fëmijë të tjerë në Angli, të cilët kanë marrë vesh lajmin, por duke qënë se janë pa letra, nuk mund të ktheheshin për t’u dhënë lamtumirën e fundit motrës dhe babait të tyre.
Përvec dramës me të cilën përballet, Manjola ka dhe një problem tjetër të madh: ajo është mes katër rrugëve, pasi ka mbetur e pastrehë!
