Rreth 150 milionë kartolina shkëmbehen çdo vit me rastin e Shën Valentinit, duke e bërë këtë ditë festën e dytë më të njohur pas Krishtlindjeve. Çdo 14 shkurt, në të gjitha vendet e botës shkëmbehen dhurata, lule e çokollata mes të dashuruarve.
Të gjitha në emër të Shën Valentinit.
Por kush është ky shenjtor dhe nga bazohen këto tradita?
Kisha Katolike njeh të paktën tre shenjtorë të ndryshëm të quajtur Valentini ose Valentinus, të cilët të gjithë u martirizuan.
Një legjendë thotë se Shën Valentini ishte një prift që shërbeu gjatë shekullit të tretë në Romë. Kur perandori Claudius II vendosi që burrat beqarë ishin ushtarë më të mirë se ata që kishin gra dhe familje, ai vendosi ta bënte të paligjshme martesën e djemve të rinj. Shën Valentini, duke e quajtur këtë dekret të padrejtë, sfidoi Klaudin dhe vazhdoi të bënte martesa për të dashuruarit e rinj në fshehtësi. Kur u zbuluan këto akte të Shën Valentinit, Klaudi urdhëroi vdekjen e tij.
Një tjetër sugjeron se Valentini mund të jetë vrarë si rezultat i përpjekjeve të tij për të shpëtuar të krishterët nga burgjet romake, të cilat shërbenin si vende torture.
Sipas legjendës, ishte një i burgosur ai që dërgoi letrën e parë romantike “Shën Valentin”, pasi ra në dashuri me një vajzë të re. Para vdekjes, ai shkroi këtë letër duke e nënshkruar me pseudonimin “Nga Shën Valentini jot”, një shprehje që përdoret edhe sot e kësaj dite.
Ndërsa disa njerëz besojnë se Dita e Shën Valentinit festohet në mes të shkurtit për të kujtuar përvjetorin e vdekjes së Shën Valentinit ose të varrosjes së tij, që ka ndodhur rreth vitit 270 pas Krishtit.
Të tjerë pretendojnë se Kisha e Krishterë mund të ketë një ditë të festës së Shën Valentinit në mes të muajit shkurt në një veprim për t’i bërë njerëzit të festonin kremtimin pagan të Lupercalia, një festival i kushtuar fertilitetit.
Gjatë Mesjetës, banorët e Francës dhe Anglisë besonin se 14 shkurt ishte fillimi i sezonit të çiftëzimit të shpendëve. Nisur nga kjo gjë u hodh ideja se edhe dita e Shën Valentinit të kremtohej si një ditë romance.
Letra e parë që është dërguar për festën e Shën Valentinit të vitit 1415, ku Duka i Orleans, Charls, i dërgoi një poemë dashurie gruas së tij teksa ishte i burgosur në Kullën Famëkeqe të Londrës.
