Një baba vrasës, nënë të alkoolizuar dhe një jetë të tmershme. Kjo është ajo jetoi një vajzë e cila në fakt fatin duhet ta kishte ndryshe, sepse 30 vjet më parë, e ndërruan në maternitet duke ia dhënë prindërve të gabuar.
Lucia përjetoi shok të dyfishtë ditët e ndërrimit të viteve. Ajo sapo mësoi të vërtetën mbi jetën e saj dhe fatin e “keq”: Prindërit që ajo 30 vjet rresht i quante si të tillë, nuk janë të saj.
E gjitha kjo nisi më 29 janar 1987 kur, Zoya Tuganova, sot një 69 vjeçare nga Chelyabinsk në Rusi, solli në jetë një vogëlushe.
Ajo e pa vetëm një moment vogëlushen e saj të vërtetë. Disa orë më vonë, pasi u qetësua nga dhimbjet e lindjes, i cuan në prehër një vogëlushe.
Edhe sot, 30 vite më vonë, ajo e kujton atë moment kur e pa vogëlushen dhe është shprehur se nuk iu duk si e saj.
Por a duhet t’i besonte mjekeve? Duke qenë se kishte dyshime, ajo i tha atyre në atë kohë se vajza që i sollën në shtrat nuk i duket e njëjta që kishte parë pas lindjes në sallë.
Përgjigjja e personelit ishte e ashpër dhe nuk linte vend për të vazhduar më tej në kërkimin e së vërtetës. Madje e kërcënuan se do ta mbyllnin në psikiatri për këtë pretendim që hodhi.
Zoja e mori në shtëpi fëmijën që nuk ishte i saj dhe e rriti atë.
Katya, vajza jobiologike e Zoya, u rrit me përkushtim për vite me radhë.
Sakaq, vajza e vërtetë e Zoys, Lucia, iu dha një nëne tjetër, Elvira Tuligenova. Burri i saj, nuk ia dha kurrë atësinë Lucia-s, pasi e shihte që nuk ngjante me të dhe në familje plasi sherri për ndershmëri.
Ai besonte se e shoqja kishte një dashnor dhe që ai e kishte lënë shtatzënë.
Për këtë arsye ai po vëzhgonte me kujdes veprimet e të shoqes dhe në momentin e parë që e pa me një mashkull, iu vërsul atij dhe e vrau. Ai përfundoi në burg duke lënë pas një trishtim të thellë familjar.
Elvira (nëna tjetër) iu dorëzua alkoolit, e vrarë shpirtërisht nga gjithë historia e jetës së saj.
Pak kohë më vonë Elvira vdiq. Lucia dhe vëllezërit e saj mbeten jetimë dhe përfundojnë në një jetimore.
Në anën tjetër, Katya vajza tjetër e ngatëruar, po e përjetonte keq vitet e fundit, dyshimet e nënës se nuk ishte vajza e saj.
Ajo nisi të kërkonte për të vërtetën dhe ia doli të gjejë Luciya-n pas një kohe të gjatë kërkimesh të lodhshme.
Duke folur për median Siberian Times”, Zoja rrëfen momentet kur pa vajzën e saj të vërtëtë.
“Kur e pashë, e dallova menjëherë ngjashmërinë midis nesh. Jam e shkatërruar nga ajo që jeta na solli”.
Katya nga ana e saj, pohon se nëse ajo do të përfundonte te familja biologjike, do të kishte vdekur, pasi që e vogël kishte pasur probleme me shëndetin, për të cilat ishte nën kujdes të plotë nga prindërit jobiologjikë.
Ndërkaq, Zoya është e irrituar nga ajo që ka ndodhur.
“Dikush duhet të paguajë për këtë gabim. I mbaj mend ende emrat e mjekëve dhe shpresoj që të bëhet drejtësi për këtë që ka ndodhur”.
Përgatiti AlpeNews.al