Shpesh çiftet pranojnë që të provojnë disa risi në jetën e tyre seksuale por ndonjë herë kjo nuk u rezulton një zgjedhje e mirë. Rasti i një gruaje 44 vjeçare ishte një nga ato rastet të cilat dalin jashtë kontrollit. Ajo dëshironte që së bashku me partnerin të provonin seks treshe por diçka nuk shkoi aspak mirë.
Lexoni letrën e plotë të gruas drejtuar psikologes së “The Sun” dhe përgjigjen që mori.
Letra e gruas
“Jam 44 vjeçe ndërsa partneri im është 48 vjeç. Në jemi bashkë prej 8 vitesh. Të dy kemi qenë të martuar më parë dhe kemi fëmijë por ata janë në universitet e në punë dhe kështu ne kemi më shumë kohë të rrimë së bashku. Ne jemi çift që na pëlqen shumë të eksperimentojmë në shtrat dhe flasim shpesh për idetë tona. Një prej tyre ishte të bënim seks treshe me një femër tjetër por kishim vendosur një rregull mes nesh që asnjëri nuk do bënte seks vetëm me dikë tjetër.
Vendosëm ta provonim këtë eksperiencë të re dhe gjetëm një tjetër femër dhe kaluam një natë të bukur me të.
Ajo ishte 37 vjeçe dhe mbajtëm një kontakt në rrjetet sociale pas asaj nate. Por kam zbuluar që partneri im tani e takon privatisht dhe bën seks me të.
Kjo më lëndoi shumë…ndihem si idiote që i kam besuar atij. Pasi i tregova që e kisha zbuluar ai e pranoi dhe me tha që e bëri vetëm sepse ajo ishte shumë e ‘lehtë’ dhe se nuk do të ndodhë më. Unë e fala por tani nuk i besoj më atij. Kam nevojë të më këshilloni për dy gjëra: E para, kam gjetur një mënyrë për të kontrolluar aktivitetet e tij në internet, a duhet ta bëj këtë?
Dhe e dyta, kam menduar një mënyrë për t’i bërë keq femrës tjetër por një herë mendoj se e meriton dhe një herë mendoj se nuk duhet ta bëj. Si të veproj?
Përgjigjja e psikologes
“Është e vështirë të rifitosh besimin në një lidhje kur ai thyhet një herë. Por ti duket që person me karakter dhe me zemër të mirë. Unë mendoj se duhet të flasësh me partnerin tënd dhe t’i tregosh sesi ndihesh. Nuk është nevoja t’i bësh keq kujt. Nëse do të ndihesh më mirë, fillo merru me një aktivitet fizik apo fillo të mësosh ndonjë gjuhë të huaj”.