Ditën e nesërme, Champions League do të rikthehet të dhurojë emocionet e mesjavës, në fazën e saj me eliminim direkt.
Që ditën e martë, do të zhvillohet një sfidë e madhe, si ajo mes Juventusit dhe Totenhemit. Përpara këtij takimi, në konferencë për shtyp, trajneri Alegri shprehet se nuk do të firmoste për një rezultat 0-0, por do të firmoste për një ndeshje pa pësuar gol në shtëpi.
“Jemi në momentin e duhur, që duhet të ishim para përballjes me Totenhemin. Po kalojmë një periudhë entuziaste. Do të jetë një ndeshje e kujdesshme, dhe gjithashtu edhe fizike. Higuain apo Kane? Unë do të zgjidhja Gonzalon për në sulm, edhe pse Kane është një lojtar i rëndësishëm”, deklaroi Alegri.