Rrjeti Kriminal kibernetik i zbuluar në disa vende të Evropës në fund të 2020 me protagonist Gal BARAK, me shumë mundësi mund të ketë hedhur rrënjë dhe mund të ketë prekur dhe disa biznese të shërbimeve online në Shqipëri.
Subjekti nën hetim në Shqipëri është regjistruar në mars të vitit 2019 me veprimtari telemarketingun dhe agjencitë e udhëtimit.
Burime të sigurta të TCH shtuan se kompania qe administron çifti i bashkëshorteve ka përfituar 2 transferta të konsiderueshme nga një kompani e quajtur “4 netëork” , e cila rezulton e themeluar nëntorin e 2018.
Por kompania “4 network” e rregjistruar në Rumani sipas hetimeve të deritanishme, rezulton në listën e autoritetit mbikëqyrës në tregun financiar të Danimarkës në seksionin “paralajmërim” dhe njëkohësisht është nën hetim nga prokuroria Rumune për skemën e mashtrimit të qindra qytetarëve evropianë që përmes call center bindeshin për të investuar në tregtinë e monedhave dhe që më pas përmes kësaj skeme zhvateshin.
Por kjo kompani që ka dërguar transfertat e dyshimta ka lidhje me kompani të tjera mes të cilave del emri i Gal Barak.
Burimet thonë se kompania dërguese e transfertave rezulton me burime të hapura me Gpay ltd , Britani që është regjistruar në 2017 dhe është akuzuar për bashkëpunim në ndërmjetësim të paligjshëm në Evropë. Mes tyre GPAY LTD dyshohet se së bashku me Xtradefx përdoren shoqëri fantazmë për të pritur fonde nga qytetarët gjermanë, zviceranë dhe austriake dhe që qendër të të gjithë skemës së mashtrimit ka emrin e Gal Barak së bashku me kompaninë e tij E@G.
