Mes te arrestuarve te operacionit “Profesori”, eshte edhe nje grua 68-vjecare, banuese ne Tirane.
Policia ben me dije se ajo eshte nena e “Profesorit”, pseduonimi i Gazment Gazheli, 46 vjeç, banues në Tiranë i dënuar më parë për “Prodhim e shitje të narkotikëve”.
Shtetasja V. G, 68 vjeçe, u prangos se bashku me te birin dhe Kristian Karanxha, 27 vjeç, banues po ne Tiranë.
“Shtetasi Gazmend Gazheli me pseudonimin “Profesori” në bashkëpunim me shtetasin Kristian Karanxha me pseudonimin “KIÇI”, dyshohet se në zonën e “Brrylit, Ali Dem, Shkozë” merreshin me shitjen e lëndës narkotike të llojit “Heroinë dhe Kokainë”.- njofton policia.
Sipas saj, në momentin e ndërhyrjes, shtetasit Gazmend Gazheli ose me pseudonimin “Profesori” , policia i ka gjetur një sasi pluhuri të bardhë të dyshuar lënde narkotike të llojit “Kokainë”.
“Gjatë kontrollit në banesën e shtetasit Gazmend Gazheli iu gjetën dhe sekuestruan në cilësinë e provës materiale 165 gramë e dyshuar narkotike e llojit “Heroinë”. Në kohën që po hynte policia kontroll në këtë banesë, shtetasia V. G (e ëma) është kapur me dy qese me lëndë të dyshuar narkotike të llojit “Heroinë”, të cilat po tentonte ti hidhte jashtë banesës”- thekson policia.
Po gjatë kontrollit në këtë banesë u gjet edhe një sasi tjetër lënde narkotike e llojit Heroinë e ndarë në 27 doza.
