Kryebashkiaku i Finiqit, Leonidha Kristo ka reaguar pas heqjes së 35 tabelave rrugore në gjuhën greke të vendosura në fshatrat e Delvinës dhe Sarandës.
Duke iu drejtuar qytetarëve në gjuhën greke, Kristo shkruan se është duke e monitoruar me kujdes situatën.
“Ju falenderoj ngrohtësisht për mesazhet e shumta që më keni dërguar këto ditë në lidhje me ngjarjet e fundit. Po e kontrollojmë situatën me kujdes dhe me ndjenjë përgjegjësie”, shkruan Leonidha Hristo në rrjetet sociale.
Kujtojmë se autoritetet shqiptare e kanë konsideruar të paligjshëm vendosjen e tabelave me gjuhë të parë atë greke, dhe të dytën gjuhën shqipe. Ndaj edhe kryebashkiaku Leonidha Hristo, si ideatori i këtij veprimi, pritet të thirret për të dëshmuar në prokurori.
