Një ndër fenomenet më të mrekullueshme në qiell ndodhi në orët e para të mëngjesit të së premtes.
Hëna mori ngjyrë të kuqe gjaku pas një eklipsi hënor – i cili ishte pjesërisht i dukshëm në Mbretërinë e Bashkuar.
Por eklipsi i plotë hënor ishte i dukshëm për njerëzit në Amerikën Veriore dhe Jugore ku dhe dhuroi një pamje spektakolare.
Hëna u errësua ndërsa u zhvendos në hijen e Tokës dhe përfundimisht u shfaq e kuqe, prandaj edhe pseudonimi është “hëna e përgjakur” .
Dielli, Toka dhe Hëna janë pothuajse, dhe jo plotësisht, në një linjë gjatë një eklipsi të pjesshëm hënor, duke krijuar një pjesë të errët në Hënë.
Një hënë e përgjakur është një fenomen që ndodh vetëm disa herë në vit. Eklipsi i fundit total hënor ishte në maj 2022 kur hëna u bë plotësisht e kuqe.
Astronomi Jake Foster, në Observatorin Mbretëror të Greenwich, tha: “Kur Toka vjen midis diellit dhe hënës, drita e vetme e diellit që mund të arrijë hënën duhet së pari të kalojë përmes atmosferës së Tokës.
“Ndërsa rrezet e diellit hyjnë në atmosferë, gjatësi vale të ndryshme (dhe për rrjedhojë ngjyra) e dritës do të shpërndahen përreth. Drita blu shpërndahet shumë, kjo është arsyeja pse qiejt tanë janë blu. Drita e kuqe është kryesisht e pandikuar nga gazrat e atmosferës, kështu që ajo udhëton gjatë gjithë rrugës përmes tyre duke e bërë atë të duket e kuqe”, shtoi ai.
