Mjeku i Spitalit të Lezhës thotë se erdhën rreth 12 pushues nga Kosova që kishin shfaqur shqetësime.
Ai u shprehet se sipas analizave nuk dyshojnë të kenë pasur komplikacione nga ushqimi;
“Në spitalin e Lezhës në urgjencë, ditën e djeshme janë paraqitur 12 paciente që ishin pushues në një hotel në Shëngjin të cilët paraqitnin marrje mendsh. Spao janë paraqitur në përgjithësi u pa nëse kishte intoksikacion, në fakt natyrën nuk e themi dot. Dhe, pacientëve që u dukën pak më rëndë u morën analiza të përgjithshme dhe në përgjithësi u përmirësuan pas 2-3 orësh. Analizat ishin mirë dhe pasi u përmirësuan u larguan nga spitali i Lezhës. Nuk them dot nga erdhi, s’më shkonte shumë konstatimi se janë helmuar nga ushqimi.”- tha mjeku.
Burime për Report Tv bëjnë me dije se 12 pushues që janë ndjerë pa qejf kanë shkuar në spitalin e Lezhës ndërsa 8 të tjerë në Qendrën Verore.
