Pas ngjarjeve të përsëritura të vetëvrasjeve tek COVID 2, burime pranë këtij spitalit bëjnë me dije për Report Tv se po vlerësohet mundësia e vendosjes së kangjellave në dritare.
Në fillim mendohet që të vendoset në një pjesë të spitalit. Vendimi pritet të merret pas hetimeve të plota për ngjarjet që ka nisur dhe vetë spitali.
Mëngjesin e sotëm, një 52-vjeçar u hodh nga kati i katërt i spitalit “Shefqet Ndroqi” e për pasojë ka humbur jetën.
Drejtori i këtij spitali, Perlat Kapisyzi deklaroi për mediat se viktima nuk kishte shfaqur shenja të rënduara psikologjike. Ky është rasti i tretë brenda pak muajsh që pacientët vetëvriten në spitalin COVID-2.
