Ministri i Mjedisit dhe Turizmit Blendi Klosi ka ndërhyrë në një lidhje live në emisionin, dhe ka deklaruar se do të rrezojnë lejen mjedisore që është dhënë për ndërtimin e HEC-it në lumin Osum.
Ai tha se kjo ka qenë një leje e dhënë dy vite më parë, dhe e gjithë historia e koordinatave.
“Ajo çfarë ka ndodhur me ujëvarën e kanionit, ishte një shqetësim që u ngrit nga ata që adhurojnë mjedisin. E gjithë historia është ngritur mbi një gënjeshtër të koordinatave. Ne kemi ngritur një grup investigimi. Do ta rrëzojmë këtë leje mjedisore. Në atë pikë nuk ka asnjë shans që ai HEC të ndërtohet”. Ka deklaruar ministri Blendi Klosi.
