Harry Kane do të synojë të arrijë rekordin e Alan Shearer, për 36 gola të Premier League në një vit, nëse ai shënon kundër Southampton, në “Wembley”. Dhe pastaj sulmuesi i Tottenham dëshiron të shënojë sa legjenda e të gjitha kohërave, Shearer, 260 gola në Premier League. Kane tha: “Do ta doja, nëse do të ndodhte.
Dhe një ditë, kush e di, edhe unë mund të jem në gjendje të shkoj sa Alan, 260 gola në Premier League”. Kane goditi me një “hat-trick” kundër Burnley, të shtunën, për të arritur kuotën e 36 golave në vitin 2017 dhe tani e ka 93, kuotën e golave në Premier League në 134 ndeshje të luajtura.
Nëse shënon sot, rekordi i tij i ri do t’i kishte marrë atij gjashtë ndeshje më pak se Shearer, i cili vuri në shënjestër 36 gola në 42 ndeshje, më 1995. 24-vjeçari tha:
“Ju ëndërroni për ato gjëra, por për mua fitoret e skuadrës janë më të rëndësishme se të dhënat personale. Unë jam sulmues, do të marr lavdërimin, por është kaq e rëndësishme që skuadra të bëhet mirë. Kam pasur një vit të mirë 2017 dhe shpresoj se mund të përmirësohem në 2018-tën, të paraqitem edhe më mirë”.
