Çështja e Unazës së Re ishte “kryelajmi” i disa muajve më parë, ku Bashkia e Tiranës lajmëroi banorët e kësaj zone se do prishen shtëpitë që janë pa leje dhe do rimbursohen ata që janë me leje.
Pas kthimit të presidentit për dekretin e këtij projekti, banorët e kësaj zone nënshkruan edhe një dokument me kreun e opozitës Lulzim Basha.
Ata kanë protestuar çdo ditë por duket se mbrëmjen e djeshme ata “kanë harruar”.
Në një video të shpërndarë nga një prej protestuesve ata shihen duke kërcyer dhe manifestuar muzikë nën ritmet e këngës për Sali Berishën.
Mbishkrimi i tyre në postim: “Ka lezet, Rama ik. Edhe pak na ndan të fillojmë aty ku e lamë, dhe s’ka më kthim pas”.
Duket se banorët e duan shumë ish-kryeministrin Berisha dhe kanë harruar se PD ka lider të ri Lulzim Basha me të cilën ata madje edhe nënshkruan një kontratë.
E ajo që është “më kryesorja” duket se kanë harruar të ftonin edhe ish-deputetin Klevis Balliu i cili ka protestuar çdo ditë së bashku me banorët, në shi e në diell…
Përgatiti: AlpeNews.al
