Instagrami tashmë është bërë ajo media sociale ku secili tregon jetën e tij.
Për blogere-t kjo pjesë vështirësohet disi, pasi përveçse duhet të ndajnë momente nga jeta e tyre me ndjekësit, duhet edhe të përpiqen të ndikojnë tek këtë të fundit pozitivisht. Gjithmonë e më shumë shohim se numri i blogere-ve po shtohet, dhe sidomos në vendin tonë. Por ajo që na bën më shumë përshtypje është mënyra se si këto të fundit kërkojnë ta transformonë realitetin në të cilin jetojnë, dhe e gjitha kjo vetëm përmes postimeve. Pushime luksoze, veshje të shtrenjta dhe vajza pesha e së cilave nuk i kap 50 kilogramë është ajo që këto profile Instagrami na tregojnë.
Ajo quhet Elda Koçia. Sapo hap profilin e saj gjithçka vë re është një lloj pozitiviteti. Po të kishte jetuar jashtë vendit pa dyshim që do të hynte në listën e modeleve plus size. Kjo jo vetëm se bukuroshja 23-vjeçare ka një fizik të kolëm por sepse nuk nguron ta tregojë atë me vetëbesim.
Fotografi me rrobabanjo, joga në natyrë janë një pjesë e postimeve të Eldës. Dhe me thënë të drejtën, një profil i tillë nuk ka se si të mos jetë inspirues për këdo. Për çdo femër e cila ka pasiguritë e saj fizike, të cilat sigurisht që nuk janë defekte e nuk duhen konsideruar aspak si të tilla.
