Kryeministri i Kosovës Ramush Haradinaj sot do të zhvillojë një takim në Gjermani me kancelaren Merkel.
“Bashkëpunimi i bazuar në besim është i domosdoshëm në rrugëtimin e Kosovës për zhvillim ekonomik, integrime evropiane dhe në fushën e sigurisë.
Gjermania vazhdon të jetë një ndër partnerët kryesorë të Kosovës dhe përkrahja e tyre është jetike në arritjen e objektivave tona të përbashkëta”, tha Haradinaj.
Por pa dyshim që pjesë e bisedës pritet që të jetë marrëdhënia me Serbinë dhe taksa për mallrat që Kosova ka vendosur.
Kosova dhe Serbia ka disa muaj që kanë ndërprerë dialogun pas vendosjes së tarifës 100% nga qeveria e Kosovës për produktet e Serbisë.
Kjo masë sipas udhëheqësve politik kosovar është vendosur për shkak të siç thonë “agresionit politik dhe diplomatik të Serbisë ndaj Kosovës.
Kryeministri Haradinaj mbërriti në Berlin gjatë ditës së djeshme, i shoqëruar nga ministri i Jashtëm, Behgjet Pacolli.
