Një tjetër kënd rekreativ do t’i shtohet së shpejti kryeqytetit. Në Sauk ka nisur puna për ndërtimin e ambientit më të ri çlodhës dhe argëtues, që do të gëzojë fëmijët e të moshuarit me më shumë aktivitete dhe mundësi për të kaluar kohën e lirë.
Ndërkohë që një pjesë e qytetarëve kanë nisur përgatitjet për festat e fundviti, punonjësit e Bashkisë së Tiranës kanë vijuar punën për rehabilitimin e zonës, me shtrimin e trotuareve, vendosjen e stolave, ndriçimin dhe gjëlbërimin.
Po kaq cilësor dhe i rëndësishëm për banorët e zonës, është investimi për këndin e ri rekreativ, i cili jo vetëm krijon një hapësirë të re çlodhëse për ta, por edhe i jep një pamje të veçantë zonës përreth.
Sakaq, Bashkia e Tiranës po vijon punën edhe në zona të tjera në kryeqytet për t’iu mundësuar qytetarëve hapësira sa më komode, çlodhëse dhe me standarde.
