Ambasadorja e SHBA, Yuri Kim ka përshëndetur dekretimin e tre anëtarëve të rinj të Gjykatës së Lartë nga Presidenti Ilir Meta.
Me një shënim në Twitter, Kim shkruan se ky është një hap i rëndësishëm, që duhett ë vazhdohet, sipas saj, deri në fund.
Po ashtu, Kim bën thirrje për mbështetjen e gjyqtarëve, “në mënyrë që ata të mund të shërbejnë drejtësi për të gjithë njerëzit e Shqipërisë”.
Postimi i plotë:
Ne e mirëpresim emërimin nga Presidenti Ilir Meta prej 3 anëtarëve të rinj në Gjykatën e Lartë – një hap i rëndësishëm dhe pozitiv që duhet të vazhdohet deri në fund. Tani, ne duhet të mbështesim gjyqtarët në mënyrë që ata të mund të shërbejnë drejtësi për të gjithë njerëzit e Shqipërisë.