Lewis Hamilton fitoi garën e Çmimit të Madh të Amerikës dhe hodhi një hap tjetër drejt titullit të 4-t kampion bote në Formula 1. Piloti britanik la pas Sebastian Vettel me Ferrari (i dyti), që edhe pse e parakaloi në startin e garës pas disa xhirosh u detyrua të hapë krahun karshi rivalit të Mercedes. Sipas Hamilton, ky ishte momenti më i bukur i garës. “Ishte një nga garat më argëtuese të këtij Botërori. Sebastiaj u nis më mirë, por e dija që do ta parakaloja. Të jem i sinqertë, ky ishte momenti më i bukur i garës, momente për të cilat një pilot jeton”, tha Hamilton.
Britaniku vlerëson Vettel që u tregua korrekt në ato momente dhe pranon se vetë do të ishte më gresiv nëse do ta parakalonin. “U habita me faktin që Vettel nuk u mbrojt në atë moment, ishte korrekt. Unë do të isha më agresiv në pistë përëët ruajtur pozicionin”, tha Hamilton, që duke iu rikthyer garës, shtoi: “Ishte një fitore e rëndësishme, gjithçka shkoi për mrekulli këtë fundjavë dhe falënderoj skuadrën për punën e bërë. Titulli? Meqë nuk u shpalla dot kampion në Amerikë do të provoj ta realizoj misionin të dielën, në Meksikë”, deklaroi Hamilton për mediat.