Policia greke ka dalë me një komunikatë zyrtarë për ngjarjen ku u vra një shqiptar në Janinë, pas një shkëmbimi me armë.
Sipas policisë patrulla u qëllua papritur nga persona të panjohur. Po ashtu në vendin e ngjarjes janë gjetur 13 thasë me drogë, me një peshë totale 166.2 kg dhe dy armë zjarri kallashnikov.
“Gjatë shkëmbimit të zjarrit mbeti i vrarë një shtetas shqiptar i moshës 39 vjeç dhe u plagos lehte një polic. Vazhdon operacioni për gjetjen dhe kapjen e të dyshuarve të tjerë”, thuhet në njoftimin e policisë helene.
Incidenti u shënua rreth orës 18:00 me orën lokale të 22 nëntorit.
Sipas mediave greke, grupi prej tre personash po transportonte për në Greqi lëndë narkotike.
