Anëtari i “Opozitës së Bashkuar”, Nard Ndoka ironizon kryeministrin Edi Rama duke thënë se rezulton humbës në zgjedhjet e ardhshme sipas çdo sondazhi, madje edhe nëse sondazhin e bën në “ERTV”.
Ndoka tha se Rama ka humbur besueshmërinë ndaj Metës, Bashës dhe askush nuk e beson nëse ulet në tryezë me të pa një palë të tretë që të dalë garant.
“Rama po del humbës në të gjitha sondazhet e tij, edhe te ERTV po ta bëjë del humbës. Prandaj tenton të bëjë pazare me Bashën. Ai i përdor të gjitha mënyrat, në momentin që thotë do t’i ndalojë koalicionet hedh grepat poshtë e lartë. Janë sinjale që vijnë, është në stilin e tij. Problemi i tij është që sot ai edhe në mënyrë individuale ka mashtruar çdo personazh politik në Shqipëri. Në këtë sens atë nuk e merr njeri në konsideratë. Edhe në aspektin institucional, me Metën, me Bashën, me mua po e po, unë s’ulem me atë as me tre palë garant, jo më me një,” u shpreh Nard Ndoka.
