Kryetari i PD-së, Lulzim Basha ka treguar njëherë e mirë arsyen se pse sipas tij Kreu i Qeverisë i bën ftesë për bashkim apo bashkëpunim.
Basha i ftuar te “Të paekspozuarit” tha se Rama ka kuptuar që do të humbasë dhe kështu kërkon që të bëhet pjesë e qeverisë së tij të ardhshme, pas 25 prillit.
Megjithatë kreu i PD u shpreh i qartë se kjo gjë nuk ka për të ndodhur kurrë.
Pyetje: Pse ua bën këtë ftesë Rama?
Basha: Gjitë fushata e tij është satelit rreth meje. Po ç’u kujtua tani ai që të më bëjë ftesë mua. E di që është i humbur dhe kërkon të hapë një deriçkë për t’u bërë pjesë e qeverisjes sonë. Ky njeri kurrë nuk mund të jetë pjesë e bashkëqeverisjes sonë. Në mënyrë të prerë jo. Shqipëria nuk mund të ndryshojë me Edi Ramën. E kam parë nga fër besimin e njerëzve te ndryshimi që po vjen. Dhe ai e ka ndjerë dhe është një marifet i fundit i tiji. Qeverisja jonë do të jetë me aleatët.
Rakipi: Po nëse nuk i merrni 70+, as me LSI, do bashkoheni me Ramën?
Basha: Shanset e një njeriu që për 8 vite të jetë pjesë e qeverisjes sime është zero.
