Që prej datës 8 dhjetor, Adriatik Lapaj është “ngujuar” poshtë zyrës së kryeministrit Edi Rama në një protestë pa ndalim deri në rrëzimin e qeverisë.
Lapaj sot ka vendosur të qethet po në bulevardin “Dëshmorët e Kombit” si një tjetër formë kjo për të treguar se për asnjë moment apo arsye nuk do të braktisë nismën e tij. Në bulevard Lapaj ka organizuar dhe vendqëndrimin me karrige e rrethuar me kartonë për tu mbrojtur nga i ftohti.
Ky moment është ironizuar nga deputeti i Partisë Socialiste Erion Braçe, i cili e ka publikuar në rrjete sociale shoqëruar me një muzikë popullore në sfond.
Kryesisht Adriatik Lapajt i janë bashkuar anëtarë të partisë që ai drejton, ndërsa i paktë ka qenë numri i qytetarëve. Në këtë protestë Lapaj ka thënë se nuk përfaqëson asnjë logo partiake dhe se u ka bërë thirrje kujdo për tu bashkuar.
