Gjyqtari i Krimeve të Rënda, Dritan Hallunaj, i cili kaloi një ditë më parë me sukses provën e vështirë të vettingut u përball sot me një lajm tejet të trishtë.
Gjyqtari i Krimeve të Rënda ndodhej në qytetin e Shkodrës kur mori vesh se bashkëshortja e tij ishte vetëvrarë mesditën e kësaj të enjteje duke u hedhur nga kati i tetë i ballkonit të shtëpisë së prindërve, të cilët jetonin një kat sipër së bijës.
Burimet saktësojnë se Hallunaj kishte udhëtuar drejt Shkodrës me vajzën 11-vjeçare për ta dërguar tek prindërit e tij.
Me të mësuar lajmin tragjik ai është nisur në drejtim të Tiranës.
Burime bënë me dije më herët se 37 vjeçarja Enkelejda Hallunaj prej disa vitesh kurohej për shqetësimet psikike që kishte shfaqur. Në momentin e pranë trupit të pajetë në rrugë, asaj i janë konstatuar në duar edhe disa ilaçe që duhet ti pinte.
.jpg)
Gjyqtari Hallunaj për ngjarjen është njoftuar nga të afërm të tij pasi ndodhej pranë familjes së prindërve në qytetin e Shkodrës.
Policia thotë se pista kryesore e hetimeve është ajo e vetëvrasjes për shkak të problemeve shëndetësore. Enkelejda Hallunaj ishte stomatologe prej disa vitesh në Tiranë.
