Me përhapjen e Koronavirusit, i cili fillimisht u përhap në Kinë e më pas në shumë vende të tjera, bota është vënë në alarm. Viruset e reja përbëjnë gjithmonë shqetësim për shëndetin publik, sepse nuk dihet shumë rreth tyre. Në artikullin e mëposhtëm iu sjellim informacion të detajuar rreth Koronavirusit në krahasim me gripin, cilat janë simptomat përkatëse, sa është përqindja e vdekshmërisë, numri i të vdekurve dhe transmetimi i virusit:
Deri më tani, koronavirusi i ri ( i quajtur ndryshe COVID-19), ka çuar në më shumë se 75.000 lloje sëmundjesh dhe mbi 2,000 vdekje, kryesisht në Kinë. Përsa i përket gripit, vetëm në SHBA, këtë sezon ka shkaktuar rreth 26 milion lloje sëmundjesh, 250,000 shtrime në spital dhe 14.000 të vdekur, sipas Qendrave për Kontrollin dhe Parandalimin e Sëmundjeve (CDC).
Bazuar në atë çfarë dihet deri tani, ja si dallon Koronavirusi nga Gripi:
Simptomat: Si gripi ashtu dhe Covid-19 janë viruse ngjitëse që shkaktojnë sëmundje të frymëmarrjes. Simptomat tipike të gripit janë ethet, kollitja, dhimbje muskujsh, dhimbje koke ndërsa për COVID-19, mjekët ende po përpiqen të zbulojnë sa më shumë por deri më tani simptomat bazë janë ethet, kollitja dhe vështirësitë në frymëmarrje.
CDC vlerëson se mesatarisht rreth 8% e popullsisë së SHBA-së sëmuret me grip çdo sezon. Përsa i përket COVID-19, aktualisht ka 29 raste të prekura në SHBA. Virueset e reja si Koronavirusi janë gjithmonë me shqetësim për shëndetin publik, sepse nuk dihet shumë rreth tyre.
Transmetimi i virusit: Për të përcaktuar sa lehtë përhapet virusi shkencëtarët përdorin një masë që njihet si “numri bazë i riprodhimit”, ose R0. Me anë të këtij numri vlerësohet sa është numri mesatar i njerëzve që kapin virusin nga një person i vetëm i prekur. Gripi ka një vlerë R0 prej rreth 1.3 ndërkohë që për përcaktimin e R0 për COVID-19, studiuesit po punojnë ende. Megjithatë një studim i publikuar më 29 janar në “New England Journal of Medicine” vlerësoi se vlera R0 për Koronavirusin e ri ishte 2.2, që do të thotë çdo njeri i infektuar ka përhapur virusin në një mesatare prej 2.2 personash.
Përqindja e vdekshmërisë: Deri më tani në këtë sezon të gripit, rreth 0.05% e njerëzve me grip kanë vdekur në SHBA, sipas të dhënave të CDC. Nga ana tjetër, përqindja e vdekshmërisë nga COVID-19, është më e lartë. Në një studim të publikuar me datë 18 Shkurt në “China CDC Weekly”, përqindja e vdekshmërisë nga COVID-19 në Kinë është diku te 2.3%, pra shumë herë më e lartë se përqindja e vdekjeve nga gripi.
Kura: Ndryshe nga gripi sezonal, për të cilin ekziston një vaksinë mbrojtëse, nuk ka vaksinë për COVID-19. Megjithatë studiuesit në SHBA, Institutet Kombëtare të Shëndetësisë po përpiqen të zbulojnë një të tillë.
Burimi: “livesciene.com”