Goditet në Greqi nje nga rrjetet më të mëdha të trafikut të emigrantëve, pjese e te cileve ishin edhe 6 shtetas shqiptare.
Lajmin e japin sot mediat greke, sipas te cilave rrjeti i trafikanteve i pajiste emigrantet me pasaporta të falsifikuara. Operacioni eshte bere ne bashkepunim me Europolin dhe gjate tij u zbuluan katër laboratorë të falsifikimit të pasaportave.
Sipas hetimeve dosja penale përfshin të paktën 20 persona, mes tyre dhe gjashtë shtetas shqiptarë.
Hetimet zbuluan edhe mekanizmin e funksionimit te rrjetit, se paku prej tre vitesh. Te interesuarit pajiseshin me pasaporta false kryesisht franceze, gjermane dhe spanjolle.
Ata largoheshin nga Greqia nëpërmjet aeroportit ndërkombëtar të Athinës, atij të Selanikut si dhe nga qytete të tjera të vendit dhe destinacioni i tyre kryesor ishte Britania e Madhe. Kryesisht rrugen drejt aeroportin e benin shoqeruar nga nje grua, e cila gjithashtu eshte arrestuar.