Gratë janë më të prirura për të vdekur nga ataku i zemrës sepse mjekët e konceptojnë këtë si një sëmundje që prek më shumë burrat. Sipas një studimi të bërë së fundmi në Universitetin e Leeds, rezultoi se gratë po humbasin jetën sepse nuk i është kushtuar vëmendje maksimale pas atakut të parë kardiak që kanë pësuar.
Në dekadën e fundit, numri i grave që vdesin nga infarkti i zemrës është 3 herë më i lartë se ai i burrave. Kjo sepse mjekët thjesht nuk i konsiderojnë mjaftueshëm të prirura për të vuajtur nga sëmundjet kardiake.
“Na duhet të punojmë shumë për të fshirë këtë perceptin se ataku i zemrës prek kryesisht meshkujt, ato që janë në moshë të thyer, duhanpirësit apo personat që vuajnë nga diabeti. Nuk është e thënë. Nga problemet kardiake mund të jemi të gjithë të rrezikuar.”- është shprehur një nga mjekët kardiologë të këtij studimi.
Ajo që në fakt duhet bërë është e thjeshtë dhe mund të ndryshohet fare lehtë. Gratë duhet të marrin rekomandimet dhe trajtimet e duhura, që në shenjën e parë që tregon se diçka me zemrën nuk funksionon mirë.
Burimi: The Telegraph
