Ndërkohë që në Tiranë Lulzim Basha bën politikë me gjendjen e luftës, duke sulmuar ekspertët për strategjinë e ndjekur për kontrollin e virusit, shifrat dhe faktet tregojnë të kundërtën e pretendimeve të kryedemokratit.
Shifrat përtej debatit shumë apo pak testime që diskuton sot ‘eksperti’ Lulzim Basha, tregojnë se kemi pak raste pozitive. Plus këtij fakti, një gjë që nuk mund të fshihet është numri i personave që trajtohen në spitale.
Siç shihet edhe në ilustrimin grafik, ky numër luhatet midis 70 dhe 80 persona prej datës 25 mars. Edhe në terapi intensive nuk ka rritje të ndjeshme të të shtruarve.
Këto janë shifrat dhe faktet që nuk lënë vend për debat, dhe janë strategji që mbështetet nga OBSH dhe ekspertë të fushës nga e gjithë bota. Pjesa politike është një lojë që vetëm Lulzim Basha e bën në gjithë rruzullin.
