Policia e Shtetit ka arrestuar katër persona të cilët dyshohet se kanë lidhje me grabitjen e ndodhur në datën 9 Prill në aeroportin e Rinasit. Gazetari i Report Tv Arsen Rusta raporton se tre prej tyre janë bashkëpunëtorë ndërsa njëri prej të arrestuarve dyshohet se ka marrë pjesë në grabitje.
Pasditen e sotme janë ushtruar kontrolle të imtësishmë në qytetet e Tiranës, Elbasanit dhe Fushë-Krujës.
Policia dhe Prokuroria nuk kanë dhënë detaje për personat e arrestuar.