Videoja e publikuar ku shfaqej një vajzë e shtrirë në rrugë që qante e ulërinte në kupë të qiellit, tërhoqi vëmendjen e shumë lexuesve mesditën e 23 marsit, ditën kur u vra në Fier, gjatë një tentative grabitje i riu Xhuljano Sollaku.
Shpejt u mësua se ajo ishte e dashura e Xhuljanos, që në rrjetet sociale mban herë emrin Kristika e herë Kristina. Nuk dimë nëse ajo ishte në dijeni të lëvizjeve të Xhuljanos, as nëse e ka kaluar gjendjen e vështirë ku ndodhej, por kur kanë kaluar disa ditë nga vdekja e të riut, ajo ka vendosur ta mbajë atë si kujtim në foton e profilit në Facebook.
Po ashtu në rrjetet sociale ka shënuar datën e lidhjes dhe ndajres (dita kur ai u vra).
Vajza nga Elbasani nuk pranon komente, ndaj dhe e ka bllokuar këtë opsion, duke u izoluar kështu nga komunikimi me persona të tjerë, apo edhe miq.
Kujtojmë që Xhuljano Sollaku bashkë me tre persona të tjerë kishin shkuar të grabisnin në Fier. Ata u pikësën nga banorët e banesës që lajmëruan mënjëherë policinë. Në vend që të dorëzoheshin të rinjtë hapën zjarr në drejtim të policiëve dhe morën kundërpërgjigjen e tyre. Nga shkëmbimi i zjarrit Xhulajno humbi jetën, ndërsa njëri prej grabitësve të tjerë u plagos.
