Policia ka goditur 2 raste të tentativës për kultivim të kanabisit në territorin e Krujës dhe ka prangosur dy persona.
Policia njofton se është arrestuar në flagrancë shtetasi Xh. K., banues në Arrameras, Fushë-Krujë, pasi gjatë kontrollit të ushtruar në afërsi të banesës së tij, shërbimet e Policisë kanë gjetur të kultivuar 80 fidanë të dyshuar cannabis sativa.
Po ashtu është prangosur edhe shtetasi I. L., banues në Borizanë, Krujë, pasi gjatë kontrollit në afërsi të banesës së tij, shërbimet e Policisë kanë gjetur të kultivuar rreth 100 fidanë të dyshuar cannabis sativa.
Materialet i kaluan Prokurorisë së Rrethit Gjyqësor Krujë, për veprime të mëtejshme.
