Në Greqi është shtyrë Gjyqi për dy shqiptarë që akuzohen për tenativë vrasjeje.
Arbër Bako dhe Olti Dulçe akuzohen për tentativë vrasje. Dy shqiptarët kanë thënë se policët kanë tëntuar që t’i vrisnin në Burgun e Koridhalos.
Gjatë seancës ka patur përplasje mes dy të akuzuarve dhe gjyqëtarëve. Bako dhe Dulçe do të paraqiten edhe njëherë në seancën e gjyqit që u shtye për datën 24 Janar.
Ndërkohë mbi ata rëndon akuza e vrasjes së dy avokatëve Andropulos dhe Mihalis Zafiropoulos.
Për avokatin Andropulos rëndon akuza e tentativës së vrasjes.
Një kurd në dëshminë e tij gjatë gjyqit ka pohuar se është paguar për të eleminuar Bakon dhe Dulçen.
***
Në ring është shndërruar salla në Gjykatën e Përgjithshme, gjatë seancës së sotme gjyqësore kundër Arber Bakos dhe Olti Dulces, të cilët akuzohen për tentativë vrasje kundër avokatit grek Jorgos Andonopulos më 3 nëntor 2014.
Dy të akuzuarit që janë të burgosur akuzuan trupin gjykues se janë kërcënuar me vdekje dhe se është kryer tentativë në qeli dhe askush nuk reagon. Më tej, të irrituar janë larguar nga salla duke sharë rëndë gjykatësin dhe të pranishmit.
“Erdhën të na vrisnin në qeli në Koridhalo. Dua të diskutohet tani”, tha Arbër Bako dhe gjykatësi i kërkoi të bisedojë me prokurorin.
Shqiptari u përgjigj:
“Kemi thënë dhe nuk bënë asgjë. Po të doni të vazhdojmë gjyqin, le të vijë këtu tani. Ne bëmë luftë të gjejmë kush janë truri dhe ju nuk doni t’ia dini. Nëse ju paguajnë, ti vini … Jeni të gjithë të vdekur”.
Të akuzuarit sulmuan dhe grekun Aris Floros, si truri i tentativës së vrasjes së avokatit Andonopulos, në atë periudhë avokat i akuzës për skandalin Energa-Hellas.
Përgatiti: AlpeNews.al