Bashkëpuntori i drejtësisë Luftar Reçi, i cili me dëshmitë e tij dhe informacione të rëndësishme për zbardhjen e dy ngjarjeve kriminale të ndodhura në 27 dhe 28 Shkurt të 2005, është tentuar të intimidohet.
SPAK ka firmosur urdhër arrestin për Eltonn Goskova për shkak se ky i fundit dyshohet se ka tentuar që të korruptojë Luftar Reçin dhe të tërhiqet nga dëshmia e tij për dy ngjarjet kriminale për të cilat kanë përfunduar në pranga bashkë me Reçin edhe 6 persona të tjerë. Po ashtu nga ana tjetër thuhet se Goskova ka tentuar që të fshehë provat që përfshinin personat e dyshuar për dy ngjarjet e rënda të ndodhur në vitin 2005.
SPAK kërkoi që ndaj tij të caktohet masa e sigurisë arrest në burg. Gjatë zhvillimit të seancës avokatja e Goskoves ka kërkuar që ai të lihet në masë me të butë sigurie dhe po ashtu të lirohet duke lënë garanci pasurore. Gjykata pasi dëgjoi argumentat e palëve i caktoi masën e sigurisë arrest në burg.
Luftar Reçi mori statusin e bashkëpunëtorit të drejtësisë në vitin 2020 dhe tregoi se kush ishin personat që kryen ekzekutimet në Shkurt të 2005. Kjo dosje ishte pezulluar dhe u rihap pas 15 vitesh iniciuar nga deklarimet e Reçit. Dosja për dy vrasjet e 2005 është në dyert e gjykatës për seancën parapake.
