Nga ambientet e stërvitjes së talenteve të reja të futbollit në Vlorë, Presidenti i vendit Ilir Meta ka shtuar dozat e ashpërsisë. Duke ‘harruar’ se është me fëmijë jo më shumë se 10 vjeç Meta ka thënë se i premton atyre “shpartallimin e bandave të ‘Astirit’ dhe horrave të Rilindjes”
“Në ambientet e stërvitjes së talenteve të reja të futbollit në Vlorë, me të ardhmen premtuese të “Flamurtarit” dhe Ekipit Kombëtar, ku mjeshtërit e vegjël të ekipit “Vlora B” dhe trajneri i tyre i përkushtuar Bardhyl Xhakollari më ftuan për një miqësore.
U premtova se pas 25 Prillit, kur rinia vlonjate dhe e të gjithë vendit do shpartallojë thellë ekipin e bandave të “Astirit” dhe horrave të Rilindjes, do rikthehem në fushën e tyre për të luajtur së bashku vetëm për fitoren e Vlorës dhe të Shqipërisë”, shkruan Meta.
