Gjon’s tears, ka lindur në Zvicër nga dy prindër me origjinë shqiptare. Ka qenë vetëm 12 vjeç kur u ngjit në skenën e spektaklit ‘Albania’s Got Talent’ në vitin 2011.
Por edhe pse vetëm një fëmijë, ia doli të fitojë menjëherë zemrën e jurisë me këngën e njohur franceze, ‘Je t’aime’.
Ndërsa pas 8 vitesh, ai konkurron në “The Voice of France”, duke u përfaqësuar denjësisht pasi të katër anëtarët e jurisë u mrekulluan nga zëri i tij, duke shtypur njëri pas tjetrit butonin e kuq… Nga ku u ngritën të gjithë në këmbë në Paris.
Me datë 6 shkurt, pra një muaj më parë, “Gjon’s tears” ka publikuar këngën e quajtur “Babi”, e cila menjëherë u rendit në krye të ‘The Top List” në muzikën shqiptare, ku aktualisht renditet në vendin e 5-të.
Imazhi pozitiv për shqiptarët që kanë rezultuar të suksesshëm jashtë Shqipërisë, rritet nëpërmjet shembujve dhe modeleve të tillë.
Por jo rrallëherë politikanë të vendeve të ndryshme, për interesat e tyre elektorale të momentit, kanë krijuar një imazh të keq për Shqipërinë, duke hedhur baltë dhe ofruar konsiderata të ekzagjeruara që nuk përputhen shpeshherë me realitetin.