Gjiri i Kakomesë, në bregdetin e Jonit, 10 km nga Saranda, futet rreth 550 metra në brendësi të tokës dhe ka një gjatësi afro 2 kilometra. Nga të dyja anët e gjirit bregdeti lartësohet nga ngritje me lartësi 500-800 metra, që bien thikë mbi det, duke formuar rrëpira, shkëmbinj të zhveshur, kepa shkëmbinjsh mbi ujorë e nën ujorë të veshur me korale, guaska, iriqë e bimësi ujore me forma e ngjyra të ndryshme, me ujë të pastër e të tejdukshëm.
Bukuria e këtij gjiri është aq e rrallë sa edhe nëse e sheh nga lart, si në foton e meposhtme, duket se merr formën e njeriut.
Gjatë viteve si shqiptarët por edhe turistët e huaj e kanë cilësuar si një nga vendet më të veçanta në Shqipëri por që është ende në zhvillim. /AlpeSummer.al
